Undirbúningur

Þú vilt hámarka árangur þinn á vörusýningunni. Til þess að svo geti orðið þarf að huga mjög vel að öllum undirbúningi með nægjanlega góðum fyrirvara.

­     Setja sér markmið og gera kostnaðaráætlun

     Gera greiningu á vörusýningunni s.s. áætlaðan fjölda gesta, staðsetningu og stærð

­     Lista upp þær vörur og þá þjónustu sem ætlunin er að vera með

­     Fá utanaðkomandi sérfræðiaðstoð ef þörf er á

­     Ganga frá kaupum eða leigu á þeim húsgögnum og öðru sem þörf er á

­     Ganga frá  framleiðslu og frágangi á öllu myndefni sem hafa skal á sýningarbásnum

­     Ganga frá framleiðslu á bæklingum og öðru efni sem skal dreifa á staðnum.

­     Gera vinnuáætlun fyrir hvern dag á meðan á sýningu stendur

­     Gera áætlun um að mæla árangurinn að lokinni sýningu

Hér eru nokkur atriði sem skipta miklu máli á undirbúningstímanum. Nokkur þessara atriða eru oft inni í þeim pakka sem fylgir sýningu en önnur atriði þurfa sýnendur að hugsa um sjálfir

         Þarf að nota verkamenn staðarins við flutninga á vörum og/eða vélum til og frá svæðinu

         Hvernig sýningakerfi verður á staðnum eða þarftu að láta hanna það sjálfur.

         Er sýningarkerfið háð einhverjum sérstökum takmörkunum sem þú þarft að huga að

         Er aðstaða fyrir persónulega muni og verðmæti

         Er aðstaða til fundarhalda

         Er teppi í sýningarbásnum og hver sér um frágang á því

         Þarftu rafmagn og hver sér um að það sé á staðnum og á réttum stað

         Þarftu vatn og/eða þrýstiloft

         Þarftu símalínu og/eða netsamband

         Verður sýningartjald, flatskjár og/eða þarf að koma fyrir myndvarpa

         Þarf utanaðkomandi aðstoð við að þrífa sýningarbásinn

         Sér einhver um að taka myndir

         Þarf aðstoð við að hengja upp vörur eða annað t.d. í sperrur eða annað upphengi

         Blómaker og blóm eða annað til skreytingar

         Aukahúsgögn til að leigja